പ്രീമെട്രിക് സ്കോളര്ഷിപ്പ് - ന്യൂനപക്ഷ വിഭാഗം (Prematric Minority Scholarship)
ന്യൂനപക്ഷ വിഭാഗങ്ങള്ക്കുള്ള പ്രീമെട്രിക് സ്കോളര്ഷിപ്പിന് ഈ വര്ഷത്തെ അപേക്ഷ
ക്ഷണിച്ചു. ജൂലൈ 1 മുതല് ജൂലൈ 31 വരെ അപേക്ഷിക്കാം. ഈ വര്ഷത്തെ അപേക്ഷാ ഫോമിന് മാറ്റമുള്ളതിനാൽ പുതിയ അപേക്ഷകൾ മാത്രമേ സ്വീകരിക്കുകയുള്ളൂ . വരുമാനം, മതം എന്നിവയ്ക്കുള്ള
സത്യവാങ് മൂലം സമര്പ്പിക്കുന്നതിനായി ഇപ്രാവശ്യം മുദ്രപത്രം
ആവശ്യമില്ല . സത്യവാങ് മൂലം
വെള്ളപ്പേപ്പറില് എഴുതി നല്കിയാല് മതി.
കേരളത്തിലെ വിദ്യാലയങ്ങളില് 1 മുതല് 1O വരെ ക്ലാസുകളില്
പഠിക്കുന്ന മുസ്ലീം, ക്രിസ്ത്യന്, സിഖ്, ബുദ്ധിസ്റ്റ്, പാഴ്സി എന്നീ
ന്യൂനപക്ഷ മത വിഭാഗങ്ങളില് പെടുന്ന വിദ്യാര്ത്ഥികളായിരിക്കണം അപേക്ഷകർ .സര്ക്കാര്/എയ്ഡഡ്/സര്ക്കാര് അംഗീകരിച്ച അണ്
എയ്ഡഡ്/അഫിലിയേഷനുള്ള CBSE/ICSE സ്ക്കൂളുകളില് പഠിക്കുന്നവര്ക്ക് മാത്രമേ
അപേക്ഷിക്കാൻ കഴിയൂ . കഴിഞ്ഞ വര്ഷം പ്രീമെട്രിക്
സ്കോളര്ഷിപ്പ് ലഭിച്ചവര് നിര്ബന്ധമായും അപേക്ഷയിലെ റിന്യൂവൽ കോളം ടിക്
ചെയ്യണം. മുന് വാര്ഷിക പരീക്ഷയില് അപേക്ഷകര് 50 ശതമാനമോ അതില് കൂടുതലോ
മാര്ക്ക്/ഗ്രേഡ് നേടിയിരിക്കണം. അപേക്ഷകര് ഈ വര്ഷം ഒന്നാം
സ്റ്റാന്റേര്ഡില് പഠിക്കുന്ന വിദ്യാര്ത്ഥികളാണെങ്കില് മാര്ക്കോ ഗ്രേഡോ
ബാധകമല്ല.
ഒരു കുടുംബത്തില് നിന്നും 2 വിദ്യാര്ത്ഥികള്ക്കേ അര്ഹതയുള്ളൂ .
അപേക്ഷകരുടെ രക്ഷകര്ത്താക്കളുടെ വാര്ഷിക വരുമാനം ഒരു ലക്ഷം രൂപയില്
കവിയരുത്. രക്ഷകര്ത്താക്കള് വരുമാനം സംബന്ധിച്ച് മുദ്രപത്രം നൽകേണ്ടതില്ല. സ്വയം തൊഴിലില് ഏര്പ്പെട്ടിരിക്കുന്നവര് സ്വയം
സാക്ഷ്യപ്പെടുത്തിയ സത്യവാങ്മൂലവും, ഉദ്യോഗമുള്ളവര് അതാത് സ്ഥാപനം
നല്കുന്ന വരുമാന സര്ട്ടിഫിക്കറ്റുമാണ് നല്കേണ്ടത്. വില്ലേജ് ഓഫീസറുടെ വരുമാന സർട്ടിഫിറ്റ് ആവശ്യമില്ല .കൂടുതൽ വിവരങ്ങൾക്ക് സർക്കുലർ കാണുക.
Comments